![[H O M E : Emblem Project Utrecht]](/static/images/hu1624/logo_x_small-v2.jpg){kind=logo}
Lusus in gentilitias [...]
LVSVS
IN
GENTILITIAS
SVÆ SANCTITATIS
APES.
VRbane terris optime maxime
Bene ominato nomine Pontifex ,
Frustrà repugnas; quando Cœli
Auspiciis agitatur vrna.
Honor fugacem per sequitur virum;
Fugit sequacem: si fugis, occupat
Vt vmbra, venantesque ludit
Niliacâ Croco dilus algâ.
Quisquis pudendæ miles adoreæ
Tinctam rubenti murice purpuram
Cretatus ambit, pestilente
Virus atrox bibit ille gemmâ.
Frustrà repugnas; difficilem sequi
Te Te prehensat gloria, Te rapit:
Apes que de Cœlo propinant
Lethifero sine felle mella.
Frustrà repugnas; scilicet obuiâ
Ceruice mortem Prodigus inuocans,
Sta pertinax non ferre plexam
Mellifluis apibvs tiaram.
Frustrà repugnas; nunc apibvs bonis
Iubente Cœlo subjice verticem,
Sacrique signent Barberinvm
Astragalo meliore fasti.
Fasti auspicatas indigitent apes ,
Fauosque faustos, dicite barbita;
Nutrice lactatus Camœnâ
Pindarico bibit ore nectar.
Apvm rigatæmunere fasciæ,
Fauisque cunæ dulcibus augures,
Nomenque & omen melle plenum
Nectaris ambrosio dederunt.
AEtas metalli diuitis aurea,
Regnata quondam falcigero seni,
Sudare, Portentum! cauatis
Ilicibus sua mella vidit.
Non vidit auri fulgure splendidas
Apes Hymetti lambere verticem;
Damnosa quid Midæ vetustas
Vota canit pereuntis auro?
O Roma gemmis Ambrosiam bibe
Secura; dulci miscutt vtile
Aurumque melli Barberinvs ,
Delicias opibus maritans.
Aurata nunc sunt sæcula! mellea
Nunc viuit ætas! aurea, mellea,
Exundat vbertas, beato
Roma fauos sociat metallo.
Maximiliani Habbeq vii S.I.
IN
GENTILITIAS
SVÆ SANCTITATIS
APES.
VRbane terris optime maxime
Bene ominato nomine Pontifex ,
Frustrà repugnas; quando Cœli
Auspiciis agitatur vrna.
Honor fugacem per sequitur virum;
Fugit sequacem: si fugis, occupat
Vt vmbra, venantesque ludit
Niliacâ Croco dilus algâ.
Quisquis pudendæ miles adoreæ
Tinctam rubenti murice purpuram
Cretatus ambit, pestilente
Virus atrox bibit ille gemmâ.
Frustrà repugnas; difficilem sequi
Te Te prehensat gloria, Te rapit:
Apes que de Cœlo propinant
Lethifero sine felle mella.
Frustrà repugnas; scilicet obuiâ
Ceruice mortem Prodigus inuocans,
Sta pertinax non ferre plexam
Mellifluis apibvs tiaram.
Frustrà repugnas; nunc apibvs bonis
Iubente Cœlo subjice verticem,
Sacrique signent Barberinvm
Astragalo meliore fasti.
Fasti auspicatas indigitent apes ,
Fauosque faustos, dicite barbita;
Nutrice lactatus Camœnâ
Pindarico bibit ore nectar.
Apvm rigatæmunere fasciæ,
Fauisque cunæ dulcibus augures,
Nomenque & omen melle plenum
Nectaris ambrosio dederunt.
AEtas metalli diuitis aurea,
Regnata quondam falcigero seni,
Sudare, Portentum! cauatis
Ilicibus sua mella vidit.
Non vidit auri fulgure splendidas
Apes Hymetti lambere verticem;
Damnosa quid Midæ vetustas
Vota canit pereuntis auro?
O Roma gemmis Ambrosiam bibe
Secura; dulci miscutt vtile
Aurumque melli Barberinvs ,
Delicias opibus maritans.
Aurata nunc sunt sæcula! mellea
Nunc viuit ætas! aurea, mellea,
Exundat vbertas, beato
Roma fauos sociat metallo.
Maximiliani Habbeq vii S.I.
